Стlал - Сулейманан яратмишунрай.

Куьредин Цlерид хуьр

Буйкъуш хьайи Хенжел-кlеле,
Ажеб агьузар чка я.
Гьич хенек кими жеч кlвале,
Гьамиша азар чка я.

Вацlун и пад я Мамрачар,
Циф алай йифиз жеда гужар:
Гьарнихъай къвез ветlрен лужар,
Ам гзаф мурдар чка я.

Ахлад, аку Цlелегуьнар,
"Тха" лугьуз жед луькlуьнар;
Чеб чпивди жеч туькlуьнар,
Лап мердимазар чка я.

Магьмута-хуьр ала кlунтlал,
Масад бакъуд ли жед кlатlал,
Гьич чи тама тач шуьмягъ тlвал.
Лап кефи къумбар чка я.

Адалай виниз Салиянар,
"Якlв це" - лугьун я куь гьунар,
Гьар кlунтlалай ийиз ванар,
Гьахьтин гирифдар чка я!

Адалай и пад я Барбарар,
Вацlун кьилел кьуна кьарар,
Гьар патахъай тамни тарар…
Халис ам вакlар чка я!

"Хазан декьей ина гьикай?"
Лугьун - кими жеч чпикай,
Са кас гьалтна зал Испикай,
Ам - кьуру фурсар чка я.

Адалай и пад я Цlарахар,
Са пад дере, са пад чархар,
Кьежей къуз итим жед ярхар:
Рекьер, хуьлер дар чка я!

Сада садал иман тегъиз,
Мумкин гуч ваз гаф куьтягьиз.
Са къуз фена зун Гъетягъиз
Фитнедиз пайгар чка я!

Ахпамаз - Агъа Къартасар,
Ишлемишдайбур я яцар,
Кlвалахдайбур папар, сусар -Кlандай кьван бизар чка я!

Гьарнихъай къвез, кьушун-кьушун,
Гьафтедин къуз жез алт1ушун,
Алишвериш.. гунуг - къачун -
Кьасумхуьр базар чка я!

Ахпамаз Агъа Арагъар,
Киш физ хкахьна чирагъар,
Чувудри ийиз гьарагъар…
Ам чlакьар - пакьар чка я!

Кlватl хьана стхаяр вахар
Базардиз физ, гьич жеч ахвар,
Алид-хуьрел куьз бап1ахар
Гьарма сад устlар чка я!

Са кас гьалтна зал Сеидай,
Гафунал амал тийидай.
Абур кьуна за кьейидай -
Гьахьтин бейхабар чка я!

Гьелбет, я жед мулкуниз дар,
Ам заз чидач авай кьадар;
Гена пис туш а Алкьвадар -
Илим, гьам тарсар чка я!

Курхуьруьнви рахад цавай,
Жузадай гаф: "Вун гьинавай?"
Кьин кьунукь я "Гьагь,гьадавай?"
Гьахьтин дилавар чка я!

Ахпамазди пуд Стlалар,
Гьар кlвале жед цlуд аялар.
Пис туш, дерин я хиялар.
Гена арифдар чка я!

Я стхаяр, пул авайдаз...

Я стхаяр, пул авайдаз... Начальник уртах хьана хьи. Инсаф ая вуна залум. Кесибариз гужар хьана хьи.

Инсаф ая вуна залум. Кесибариз гумир тlун рум. Иеси кьей "добрым утром", Халхьдиз вакай мах хьана хьи.

Гъуьрел тlвар эцигна "мука" Некlедиз лугьуз "молока" Чукlулни шиш , каструлка, Ихьтин къаб - къажах хьана хьи

Гьакl кьиляй - кьилиз фидани? Куь крар гьакl дуьз жедани? "Сагъ хьуй" лугьун "досвидани" Им маса саягъ хьана хьи.

Эрчlи гъиле кьуна зунтlук, Алукlна са куьруь суртук , Къекъуьриз гьар патахъди тlук, Шляпкlа ,пlапlах хьана хьи.

Къулавай цlуз лугьуз "огон" , Киридиз лугьуз " прогон " , Къуьнерал хьайила погон, Тlишерал къармах хьана хьи.

Гьар са кардал хьана зун мат, Хьана им чаз хупl зулумат, Экъуьгъун я "яп-тфай-мат", Халкьар икl яншах хьана хьи.

Кьве чин акьалтнамаз вичал, Ришвет къачуз, тагуз мажал, Кесибариз лугьуз " пошел ", Ибурув дамах хьана хьи.

Кар фагьумна СУЛЕЙМАНА: Бязибур хьана дивана
, Кесибар амаз ксана ,
Бязибур уях хьана хьи.

.

ИКIНИ ЖЕДА КЬВАН...

АКЬУЛ КЪВЕДАЙ ДАРМАН
Совхозар, колхозар чкIайла, гзаф хуьруьнэгьлияр кIвалах авачиз амукьна. Хзан хуьдай са рехъ жагъурна кIанзавай. Исакьни гьа ихьтинбурукай сад тир. Чара атIайла ада гьаятдин пипIе авай фид кьурурна, куьлуь авуна мешокта туна, Махачкаладиз тухвана, акьул къведай дарман я лугьуз истикIан 10 манатдай гуз башламишна. Ам гьикI ишлемишзавайди я лагьана хабар кьурла, Исакьа лугьузвай : -Гьар экуьнахъ, са чайдин тIуруна авайди, ичIи рикIелай цик хкуьрна хъухъ! Са гьафтеда !!!
Са-сад къвез, нисиналди Исакьан мешок ичIи хьана
Гьа икI, гьар юкъуз са мешокда авай "ДАРМАН" гуз,
пул къазанмишиз, Исакьан яшайиш акваз-акваз хъсан хьана
Са вацралай са кас атана, Исакьаз наразидаказ лагьана:
- Я халу, дармандикай фитедин ни къвезва эхир!
-Вуна чан халудин мад дарман къвамир, ваз акьул атана...

НА ЛУГЬУДАЙ КЬВАН KIАМАЙ ТУШ...
Керим, са пуд мешок къуьл гваз регъуьз фена. Масадан раж куьтягь дахьанвайвиляй ам нубатдал вил алаз акъазнавай. Инсан я, нефс я! Керима регъуьхъбан ягъалмиш хьайила масадан къуьл чуьнуьхиз башламишна. Са арадилай иесидиз акуна - гьарайна! : " На вуч ийизвайди я, ламран хва?"
- Яда вун заз килигмир, зун кIамай я - теспачавилелди жаваб гана Керима
-КIамай тирла на ви къуьл зи мешокдиз вучиз вегьезвач?
-Яда зун а на лугьудай кьван кIамай туш эхир...

ВУЖ... ТУШ...?
Кьве яр-дуст ацукьна, тIуьн - хъун ийиз, суьгьбетар ийизвай. Ибурукай сад гзаф наразидаказ хуьруьн советдикай рахазвай. Муькуьдаз идан гафари гьич дад гузвачир. Беденди ички тIалабзавай фагъирди, эхтилат куьтягьун патал лагьана:
"Яда Буду, бесрай ! Анал гьалтайтIа вунни са акьван пухъ туш!
"Вуч хьана? ... За ваз иссятда чирда зун пухъ яни тушни..."